Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 18.297 | Dem. 18.300 (English) | >>Dem. 18.303 |
18.299διὰ ταῦτʼ ἀξιῶ τιμᾶσθαι . τὸν δὲ τειχισμὸν τοῦτον , ὃν σύ μου διέσυρες , καὶ τὴν ταφρείαν ἄξια μὲν χάριτος καὶ ἐπαίνου κρίνω , πῶς γὰρ οὔ ; πόρρω μέντοι που τῶν ἐμαυτῷ πεπολιτευμένων τίθεμαι . οὐ λίθοις ἐτείχισα τὴν πόλιν οὐδὲ πλίνθοις ἐγώ , οὐδʼ ἐπὶ τούτοις μέγιστον τῶν ἐμαυτοῦ φρονῶ · ἀλλʼ ἐὰν τὸν ἐμὸν τειχισμὸν βούλῃ δικαίως σκοπεῖν , εὑρήσεις ὅπλα καὶ πόλεις καὶ τόπους καὶ λιμένας καὶ ναῦς καὶ πολλοὺς ἵππους καὶ τοὺς ὑπὲρ τούτων ἀμυνομένους ·
18.300ταῦτα προὐβαλόμην ἐγὼ πρὸ τῆς Ἀττικῆς , ὅσον ἦν ἀνθρωπίνῳ λογισμῷ δυνατόν , καὶ τούτοις ἐτείχισα τὴν χώραν , οὐχὶ τὸν κύκλον τοῦ Πειραιῶς οὐδὲ τοῦ ἄστεως . οὐδέ γʼ ἡττήθην ἐγὼ τοῖς λογισμοῖς Φιλίππου , πολλοῦ γε καὶ δεῖ , οὐδὲ ταῖς παρασκευαῖς , ἀλλʼ οἱ τῶν συμμάχων στρατηγοὶ καὶ αἱ δυνάμεις τῇ τύχῃ . τίνες αἱ τούτων ἀποδείξεις ; ἐναργεῖς καὶ φανεραί . σκοπεῖτε δέ .
τί χρῆν τὸν εὔνουν πολίτην ποιεῖν , τί τὸν μετὰ πάσης προνοίας καὶ προθυμίας καὶ δικαιοσύνης ὑπὲρ τῆς πατρίδος πολιτευόμενον ; οὐκ ἐκ μὲν θαλάττης τὴν Εὔβοιαν προβαλέσθαι πρὸ τῆς Ἀττικῆς , ἐκ δὲ τῆς μεσογείας τὴν Βοιωτίαν , ἐκ δὲ τῶν πρὸς Πελοπόννησον τόπων τοὺς ὁμόρους ταύτῃ ; οὐ τὴν σιτοπομπίαν , ὅπως παρὰ πᾶσαν φιλίαν ἄχρι τοῦ Πειραιῶς κομισθήσεται , προϊδέσθαι ;
18.301
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 18.297 | Dem. 18.300 (English) | >>Dem. 18.303 |